Halsnøy ligg i Kvinnherad kommune, men er ikkje landfast med sitt kommunesenter. Kvinnherad kommune har omlag 13 000 innbyggjarar, der omlag 2 300 bur på Halsnøy.
Halsnøysambandet har gitt 2 300 personar på Halsnøy ferjefritt samband til fastlands-Kvinnherad og vidare inn på stamvegnettet via Folgefonntunnelen. Halsnøysambandet fører til at Husnes sentrum får eit næromland på over 9 000 innbyggjarar (15 min. reisetid). Dessutan har Kvinnherad fått betre samband vestover mot Stord og Kyststamvegen (E39).
Det har vert arbeida for eit fast vegsamband til Halsnøy sidan tidleg på 1980 talet, og ulike løysningar er blitt vurderte sidan den gang. Ei kort oversikt viser:
1984 - Kvinnherad kommune bevilgar midlar til eit forprosjekt
1984 - Kommunal nemnd nedsett
1987 - Selskapet Fastlandssamband Halsnøy AS vert stifta. Kvinnherad kommune er hovedaksjonær, øvrige aksjonærar er Stord kommune og næringslivet i kommunen
1987 - Hovedplan for undersjøisk tunnel og fylling/bru
1994 - Forslag til kommunedelplan med tre alternative hovedløysningar
1995 - Kommunedelplan basert på undersjøisk tunnel godkjend
1997 - Reguleringsplanarbeidet startar
1998 - Reguleringsplan godkjend
1998 - Bompengesøknad fremja
2003 - Reguleringsplan justert
2003 - Regjeringa vedtek i statsråd 26. september å fremja proposisjonen om Halsnøysambandet
2003 - St.prp. nr. 84 (2002-2003) "Om utbygging av riksveg 544 Halsnøysambandet med delvis bompengefinansiering" vert vedteke i Stortinget 20. november.
- Halsnøysambandet reduserer reisetida mellom sentrale delar av Halsnøy og fastlandet frå 40-50 min. til 10-15 min.
- Tenestetilbodet i kommunen ligg i hovedsak på fastlandet. Fast vegsamband til Halsnøy gjer det mogleg å forbetra tenestetilbodet og gjer det lettare tilgjengeleg for alle innbyggjarane i kommunen.
- Pendlarane får kortare reisetid og ein utvida arbeidsmarknad. For næringslivet i området bidreg sambandet til auka konkurranseevne.
Halsnøysambandet er ei viktig og avgjerande brikke for Sunnhordlandsregionen sin framtidsretta samferdslestruktur, der Trekantsambandet, Folgefonntunnelen og Halsnøysambandet utgjer ein heilskap.