Prosjektet er kostnadsberekna til 377 mill. kr. (2007). Finansieringsplanen forutset 33 % i statlege midlar, 10 % i kommunale tilskot og 57 % i bompengar.
Ei eventuell kostnadsoverskriding i anleggsperioden skal dekkjast i samsvar med gjeldande retningslinjer for bompengeprosjekt. Dette inneber at ei overskriding på inntil 10 % skal dekkjast av staten og bompengeselskapet i fellesskap, med ei fordeling etter deira del av kostnadane. Det kommunale tilskotet inngår i bompengeselskapet sin del, og bompengeselskapet skal dermed dekkje 67 % av ei evt. Kostnadsauke. Eventuell overskriding utover
10 % skal dekkjast av staten aleine.
Garanti
I desember 2003 godkjende Hordaland fylkesting å stille simpel garanti for lån på inntil 220 millionar kroner (2003) som Fastlandsambandet Halsnøy AS tar opp for å finansiera Halsnøysambandet.
Rekvisisjonar
Fastlandssamband Halsnøy AS har pr. juni 07 overført 171,73 mill. kr. (etter kvart) til Statens vegvesen i samsvar med mottekne rekvisisjonar.
Selskapet har etter dette ei lånegjeld på 134 mill. kr.
Bompengeopplegg
Finansieringa ved bompengebetaling er basert på forskots- og parallellinnkrevjing (førehandsbompengar) i ferjesambandet Skjersholmane – Ranavik-Sunde i om lag 4 år, og deretter etterskotsinnkrevjing i bomstasjonen på den nye vegforbindelsen i 15 år frå 8. mars 2008.
Førehandsbompengar
Førehandsinnkrevjing starta 1. mars 2004 og varte fram til opning av anlegget, dvs. om lag 4 år.
Ved oppstart av førehandsinnkrevjing vart det føresett ei betalande gjennomsnittleg døgntrafikk på 420 køyretøy. Årleg trafikkvekst var berekna til 2,3 % til og med 2005, vidare 1,7 % trafikkvekst i perioden 2006 – 2008.
Førehandsbompengetaksten utgjorde eit påslag tilsvarande 4 takstsoner. Det vart berre kravd inn førehandsbompengar for køyretøy.
Bompengar
Automatisk bompengeinnkrevjing starta då Halsnøysambandet opna for trafikk, 8. mars 2008.
Gjennomsnittleg bompengetakst er føresett til kr. 87 (2004) pr. betalande køyretøy. Det er føresett 30 % eingongs trafikkauke ved opning av sambandet, som gjev ein gjennomsnittleg trafikk pr. døgn på 578 køyretøy. Frå 2009 til 2011 er det berekna ein trafikkvekst på 1,7 % og frå 2011 ein trafikkvekst på 0,9 %.